LAOAG CITY – Inpatungpal ni Governor Matthew Marcos Manotoc ti Provincial Executive Order No. 16-19 wenno Liqour Ban ditoy probinsya.
Naipalaon iti nasao a pammilin a maiparit ti aglako, agited, mangidiaya, aggatang, ken mangiserbi ti mainum nga arak bayat ti iduduprak ti Bagyo “Jenny” tapno maliklikan dagiti saan a nasayaat a pasamak gapu ti epekto ti arak.
Gagem ti nasao nga addang a mapagtalinaed ti linak, urnos ken talna iti intero a probinsya kabayatan ti idadalapos ti nasao a bagyo.
