BOMBO LAOAG – Nangiyetnag ni Gob. Imee Marcos ti executive order a nakaisagudayan ti “liquor ban”.
Mainaig iti daytoy, maipawilen iti ania man a pagtagilakoan ditoy probinsia ti aglako ti arak.
Impalgak ti gobernador a maipatungpal ti nasao a pammilin agingga a saan a makapanaw ti bagyo Ompong ditoy probinsia.
Paset daytoy iti kalikagum ti gobernador nga awan ti mairisang a biag bayat ti panagpasar ti probinsia ti bagyo.
Namunganay daytoy a tignayna iti kaadda ti natay a nabartek iti kallabes a panagpasar ti probinsia iti nepnep.
