LAOAG CITY – Kalikagum nga ipaikkat ni Department of Public Works and Highways Sec. Vince Dizon iti Professional Regulation Commission (PRC) ti lisensia iti kina-engineer da Henry Alcantara ken Brice Hernandez.
Malaksid iti daytoy, karaman pay a maikkat ti lisensiana dagiti karaman nga accountant ken architect iti maanomalya a flood control project idiay Bulacan.
Inbatad ni Dizon, iti pakabuklan ket adda ti 20 nga engineers a karaman iti palpak a proyekto ti napilaandan ti kaso ken gagem a maikkat ti lisensiada iti Professional Regulation Commission.
Kunana a kadagiti sumaruno nga aldaw ket adda pay dagiti dadduma a naikeddeng a kasoan ti Independent Commission for Infrastracture (ICI).
Inlawlawagna a napateg ti kooperasion ti Professional Regulation Commission no sadinno iti naiyuswat a Memorandum of Agreement signing ken inpettengna a kabinnuligda ti Professional Regulation Commission kadagiti sumaruno nga aldaw nangruna no maminsan manen a mangidatag ti proyekto ti Department of Public Works and Highways.
Innayonna a daytoy ti maysa kadagiti wagas tapno mapapigsa pay ti koordinasion ti Department of Public Works and Highways ken Professional Regulation Commission tapno saanen a maulit pay ti nasao a klase ti insidente.
