LAOAG CITY – Pormalen a nangrugi ti Little League Philippines Series 2026 ita nga aldaw ditoy Ilocos Norte.
Adda ti sumurok-kumurang 170 teams a bukbuklen ti innem a ribu nga umaayam iti intero a pagilian.
Daytoy ket para kadagiti ubbing nga atleta nga agtawen ti 17 agpababa iti baseball ken softball.
Nakasaganan dagiti playing venues, billeting areas ken logistics para iti rinibribu a makipaset a kangrunaan a venue ket iti Ferdinand E. Marcos Sports Stadium.
Patpatibkeren ti probinsia kas sports tourism hub iti Northern Luzon.
Daytoy ti umuna a daras nga ag-host ti Ilocos Norte ti national finals ti Little League Philippines kalpasan ti balligi nga hosting ti Palarong Pambansa 2025.
Naammoan a maisayangkat ti Little League Philippines Series 2026, mangrugi ita nga aldaw, Abril 17 agingga 25.
Kabayatanna, inpakaammo ni Mr. Michael Zialcita, District Administrator ti Little League Philippines a dagiti mangabak ket addaan ti tsansa a mangibagi iti Pilipinas iti Asia-Pacific tournaments ken World Series iti Estados Unidos.
