LAOAG CITY – Nagpatulong ni Mr. Robert Cagat iti Bgy. Nagbacalan iti ili ti Paoay gapu iti saan a nasayaat a trato da iti live-in partner na idiay Saudi Arabia.
Segun ken ni Cagat, idi July iti daytoy a tawen a nagturong ti live-in partner na a ni Zenaida Solis idiay Saudi Arabia.
Kuna na, a makabulan na pay laeng idi maamwan na a narigat ti situasyon na gapu ta arig na awan ti inana ken no malpas ti trabaho na iti balay ti amo na ket mapan da iti balay ti ina ti amo na nga gtrabaho agingga iti parbangon.
No agreklamo kas koma iti nabannog, kurang ti kankanen na, ken nakapsot ket ungtan da.
No adda kagura ti amo na a babai nga uray awan gapgapu na ket pagpupungtutan na babaen iti panangpungot ken panangtungpa na.
Nagpatuklungen daytoy iti recuitment agency na gapu ta kayat na ti agawiden weno saan ket iyakar da ti pagtrabahuan ngem inbaga a masapul nga agbayad iti 70 a ribo pisos no agawid.
Adda pay dua a bulanen a saan a nakapagsuweldo ket no iriing na daytoy ket ibaga da nga iteddanto no agawid.
Segun pay ken ni Cagat, saan da a kayat a makitintinnawag ditoy Pilipinas ti live in na isu nga adda pay gundaway nga inpopok da isu nga ita ket naannad iti panagusar na iti cellphone.
Kayat ni Mr. Cagat nga agawid koman ti live in partner na gapu ta ti ammo na ket makalung-aw iti rigat a natalawan na ditoy Pilipinas ngem narigrigat gayam ti paspasaren na idiay Saudi Arabia.
