LAOAG CITY – Mamati dagiti kongresista a miembro ti Young Guns a maisubli ti panagtalek ti publiko ti inrakurak ni Presidente Ferdinand Marcos Jr. nga i-livestream ti Bicameral Conference Committee Deliberations iti proposed P6.793-trillion 2026 National Budget.
Maipalagip nga immuna daytoy nga inlungalong ni dati nga House Speaker ken Leyte 1st District Rep. Ferdinand Martin Romualdez sakbay a nangrugi ti panangtalantan ti 20th Congress iti 2026 proposed national budget.
Inbatad ni Lanao Del Sur Rep. Zia Alonto Adiong, Vice Chairman met ti Committee on Appropriations, ti rakurak ni Presidente Ferdinand Marcos Jr. ket maiyataday iti panangikagumaan ti House of Representatives nga agbalin a silulukat iti publiko ti proseso iti panangtingiting ti panangipasa ti nailian a pundo.
Inpetteng met ni House Deputy Speaker ken La Union 1st District Rep. Paolo Ortega, ti pammilin ni Presidente Marcos ket game-changer nga agsubli iti talek dagiti umili kadagiti institusion.
