LAOAG CITY – Ilunglungalong ni Senador Joel Villanueva ti pannakapatungpal ti living wage kas kangrunaan a pangibasaran iti minimum wage dagiti mangmangged, maiyataday ti Saligang Batas.
Indasar daytoy ni Villanieve iti panangusig ti Senado iti proposed national budget 2027, kasaruno ti panaglapped ti korte iti pannakaipattungpal ti National Capital Region (NCR) Wage Order No. 27 a planona a ipangato ti minimum wage iti Metro Manila manipud P755 agingga P840 iti kada aldaw.
Kwinestionaran pay ti senador ti panangiysu ti retraining order kontra iti wage order kabayatan ti probition iti Labor Code a mangipawil kadagiti korte a mangiparuk-at ti injuction wenno temporary restraining order kontra kadagiti proseso ti wage boards.
Malaksid iti daytoy, inlungalong pay ni Villanueva ti Senate Bill No. 44 wenno Living Wge Act a gagemna a mangipatungpal ti mekanismo tapno maamoan ti umdas a sueldo tapno masungbatan saan laeng ti kangrunaan a kasaoulan dagiti mangmangged no di ket maadaanda pay ti disente a panagbiag.
