LAOAG CITY – Nakaraman ti adu a bashing manipud kadagiti naruay a netizens ti Hollywood dream chaser iti panang-unfollow ni Liza Soberano iti CarelessPH iti Instagram-na.
Ti CarelessPH ket ti record label ken management company nga inyestablisar ni James Reid ken dagiti business partner daytoy.
Maipalagip nga idi nagikkat ni Liza iti managerial wings ni Ogie Diaz kagiddan ti panagtalawna iti Star Magic ket immakar isuna ken ni James a timmakder a manager-na.
Awan met ti nalawag a rason iti likudan ti panang-unfollow ni Liza iti nasao a kompania.
Nupay kasta, nagtalinaed a naka-follow iti tunggal maysa da Liza ken James iti nasao nga online account.
Kabayatanna, nadismaya dagiti netizens ken ni Liza iti panang-unfollow-na iti CarelessPH.
