LAOAG CITY – Inbatad ni Mrs. Felicar Alba-Ancheta, ti mangidadaulo iti Human Resource Management Office (HRMO) a kwalipikado ni Mrs. Jean Manuel iti posisyon na kas Local Civil Registry ditoy ciudad ti Laoag.
Reaksyon daytoy ni Ancheta kalpasan nga adda dagiti mangkwes-kwestyunar gapu ta maipagarop a nakurang ti ekspiriyensa ni Manuel.
Inkalintegan ni Ancheta a nagtrabaho ni Manuel iti Legal firm iti uneg ti siyam a tawen.
Kabayatanna, inlawlawag ni Atty. Rex Amy, ti mangidadaulo iti Ilocos Norte Field Office a saan a kasapulan nga iti laeng ekspiriyensa iti Local Civil Registry ti ikonsiderar.
Innayon na a mabalin pay nga ikonsiderar dagiti nagbalin nga eksperiensya iti dadduma a posisyon nga adda pakainaigan ti trabaho ti nasao nga opisina.
