LAOAG CITY – Inlawlawag ni Atty. Jesus Agbayani, Provincial Director iti National Commission on Indigenous Peoples ditoy probinsya a maysa a napagsasaritaan da kabayatan ti taripnong da ket ti naipasa a guidelines idi 2022 a naamendaran idi 2023.
Kuna a ti naamendaran a national guidelines ti Indigenous Person Mandatory Representative ket ibilbilin na a masapol a marebisar ken maitunos daytoy iti local guidelines.
Nupay kasta, inbatad na a naaddaan ti conflict iti nagbaetn ti customary practice wenno customary laws iti national guidelines.
Inpetteng na a no customary practice ket masapol a maadaw manipod kadagiti tradisyon kas koma iti panagdesisyon ket rumbeng a dagiti kataengan a lider, maaddaan ti konsultasyon, dayalogo ken dadduma pay.
Inpalgak na a ti pay mapaspasamak ket no awan ti consensus wenno mapagnunumoan ti kaadoan ket ma-divide.
Innayon na nga addan ti naaramid da a guidelines ngem gapu ta awan ti consensus ket saan da a maituloy no sadinno a masapol a balbaliw nga irebisar ken tugawan danto manen tapno pagsasaritaan a naimbag daytoy a banag.
