LAOAG CITY – Inrakurak ni Gov. Matthew Marcos Manotoc ti pannakipatungpal ti Localized General Community Quarantine ditoy ciudad ti Laoag ken epektibo a dagus daytoy ita nga aldaw.
Daytoy ket gapo iti panagtultuloy a panagngato ti kaso ti covid-19 ditoy ciudad.
Segun kenni Manotoc, ita met laeng nga aldaw ket maiparuk-at ti Executive Order seknan iti daytoy.
Inbatad ni Gov. Manotoc a nairekomendar ti pannakaipatungpal Modified Enhanced Community Quarantine basar iti evaluation ngem inkosiderar da ti impact daytoy iti ekonomiya.
Kunana a saan pay a masinunuo no kaano a mai-lift ti GCQ ditoy ciudad gapo ta nakadepende iti kaso ti covid-19 iti sumarsaruno nga aldaw.
Binalakadan met ti gobernador ti publiko a saan pay laeng nga agiyuswat ti anyaman a non-essential activities tapno maliklikan ti panagdudupudop dagiti tattao.
