LAOAG CITY – Immado manen ti kaso ti covid-19 idiay Jordan kalpasan a naikkat ti lockdown iti nasao a pagilyan.
Daytoy ti report ni Bombo International Correspondent Clarissa Colcon, taga Solsona, Ilocos Norte ngem agdama nga agtrabtrabaho idiay Jordan.
Inbaga na a kalpasan ti dua a lawas nga awan ti naireport a baro a kaso ti covid-19 iti nasao a pagilyan ket naikkaten ti lockdown.
Segun kenkuana, karaman a nalukatan ket dagiti erupuerto iti nasao a pagilyan.
Inpakaammo ni Colcon a ti maibagbaga a rason ti panagado manen ti kaso ti covid-19 iti Jordan ket ti kaado dagiti nagsubli iti nasao a pagilyan manipod iti nagduduma a lugar kalpasan a nailukat dagiti erupuerto.
Gapu iti daytoy, naikabil manen ti lockdown iti nasao a pagilyan intono Lunes.
