LAOAG CITY – Inbatad ni Brgy. Chairman Ferdinand Pasion iti Brgy. 4 San Guillermo ditoy siudad ti Laoag a napaserraan ti Sitio 1 ken Sitio 2 iti barangay da.
Daytoy ket kas panangsurot iti inyetnag ni Mayor Michael Marcos Keon ditoy siudad ti Laoag nga Executive Order No. MMK-037 a mangimandar iti lockdown kadagiti nadakamat a sitio kalpasan a nagpositibo iti covid-19 ti maysa nga agkaskaserra iti apartment wenno ni IN-C81.
Mainaig iti daytoy, kuna ni Pasion a dagiti kadwa ni IN-C81 nga agnanaed iti apartment ket dumalan iti swab test intuno Martes.
Kabayatanna, inabatad na a ni IN-C81 ket agtaltalinaed latta iti uneg ti apartment nu kasta nga aggapo iti trabaho.
Maipalagip a ni IN-C81 ket maysa a customer service a taga Brgy. San Lorenzo iti ili ti Bangui ngem agdama nga agnanaed iti apartment na iti Brgy. 4 ditoy siudad ken nakapulapol na ni IN-C69.
Asymptomatic daytoy ken iti agdama ket naka isolate.
Kabayatanna, manamnama nga agngudo ti lockdown intuno Biyernes, Setiembre 18.
