LAOAG CITY – Napadayawan ti local a gobierno ditoy ciudad ti Laoag ti Solid Waste management enforcement Excellence Award bayat iti naiyuswat a maika-siyam a Summit on Ecological Solid Waste Management nga inorganisar ti Department of Environment and Natural Resources – Environmental Management Bureau (DENR – EMB) Region 1 a naangay idiay Candon, Ilocos Sur.
Basar iti lokal a gobierno, nagun-od da iti 9.5 a rating iti naiwayat nga anunual assessment manipod iti Department of Environment and Natural Resources – Environmental Management Bureau.
Malaksid iti daytoy, nagbalin pay a finalist ti lokal a gobierno iti ciudad ti Laoag para iti Green Governance Excellence Award a mangrek-rekognisar ti pannakasustinir iti panagkomit kadagiti innovation program para iti solid waste management.
Kuna iti local a gobierno a daytoy a pammadayaw ket maysa a proactive efforts ti ciudad ti Laoag a mangipasigurado iti panangsurot kadagiti linteg maipapan iti aglawlaw ken panangipatungpal kadagiti sustainable waste management initiatives.
Ti Solid Waste Enforcement Excellence Award ken Green Governance Excellence Award ket bigbigenna saan laeng a dagiti makita a nagapuanan ti programa, no di ket iti panangitandudo iti kultura ti responsibilidad iti aglawlaw para iti pagsaayatan ti amin.
