LAOAG CITY – Pinadayawan ti lokal a gobierno iti ili ti Vintar ti Vintar National High School, kalpasan a nangabak ti softball team iti naangay a Region I Athletic Association Meet.
Gapu iti daytoy ket ti Vintar National High School softball team ti mangi-representar iti Rehiyon Uno iti mapaspasangasangan a Palarong Pambansa idiay Cebu City inton umay a bulan ti Hulyo.
Tigrupo dagiti babbai a players ket da Jeremie Alaba (coach), Jomar Reducto (Asst. Coach) ken Jervis Dave Andrada (trainor).
Bayat a dagiti baseball players ket nagballigi met kas 1st runner-up itay kallabes a Region I Athlethic Association Meet.
Mainaig iti daytoy ket inpadanon ni Mayor Richard Degala iti nasao nga ili ti nabara a kablaaw na, ken kinunana nga itultuloyda ti determinasyon da tapno mangted ti pammadayaw iti ili ti Vintar.
Kabayatanna, ti pammadayaw a naisayangkat ket naimatangan dagiti empleado ken dagiti opisyal ti lokal a gobierno.
