LAOAG CITY – Nangisayangkat ti city government of Laoag ti road clearing operation kadagiti nagduduma a paset ditoy ciudad.
Daytoy ti inbatad ni Dr. Rodrigo Catcatan, head ti City Health Office.
Kunana a malaksid iti City Health Office ket kadua da pay ti Community Affairs Dept, Business Permits and Licensing Office, Traffic Division ken dadduma pay nga ahensya.
Segun kenkuana, ti gagem ti nasao nga aktibidad ket tapno mapagbalin a naannayas ti sitwasyon ti trapiko ken naur-urnos a lugar ditoy ciudad.
Ditoy manen a nabagaan ken napalagipan dagiti umili a saan a rumbeng a paglakuan, patakderan ken okuparen dagiti igid ti kalsada.
Kasta pay ti panagparking kadagiti saan a husto a lugar.
Innayon na nga inpalagip ti gobierno siudad nga adda ti multa ken pannusa kadagiti aglabsing.
