LAOAG CITY – Mangnamnama ti lokal a gobierno iti ili ti Pagudpud a sakbay nga agngudo ti 2025 ket maaprubaran ti Special Economic Zone para iti pannakaestablisar ti eropuerto.
Segun kenni Mayor Rafael Benemerito iti ili ti Pagudpud, agtultuloy ti pannakaisubmitir dagiti nagduduma a kasapulan para iti daytoy.
Inbatad na nga iti economic zone ket adda pay dagiti sabali nga areas kas iti Eco-Tourism, IT hub ken Agro-Industrial.
Kabayatanna, nagyaman ti mayor iti konseho ti ili ti Pagudpud iti tulong nga ipapaay da para iti pagsayaatan ti bukod da a komunidad.
Ummunan nga adda ti naangay a public hearing it kapitolyo probinsyal mainaig iti Special Economic Zone iti nasao nga ili.
Ditoy nga inlawlawag ti mayor a nakasarita dan dagiti agtagikua iti lote a madalapos iti panakaipasdekan ti proyekto.
Innayon na a daytoy ket napanunutan da tapno ad-adda pay a pumintas ti Pagudpud a mangitunda iti pannakaawis ti ad-ado pay a turista.
