LAOAG CITY – Maiyur-uray laengen ti sertipikasyon manipod Philippine Drug Enforcement Agency (PDEA) tapno naan-anay a maideklara a drug cleared municipality iti Bangui, Ilocos Norte.
Daytoy ti kinumpirmaran ni Police Chief Inspector Samson Amistad, ti chief of police iti ili ti Bangui.
Inlawlawag na a naipasa dan dagiti resolusyon manipod kadagiti barbarangay iti nasao nga ili a mangipaneknek a drug cleared dagitoy.
Mainaig ti daytoy, inpasingked ni Amistad nga agtultuloy latta ti naiget a panagmonitor da kadagiti drug surrenderers tapno maamoan no adda dagiti nagsubli iti illegal nga aktibidad na.
Innayon na a no bilang adda manen dagiti mamonitor da a nagsubli ti illegal nga aktibidad na ket aramiden danto manen ti rumbeng a maaramid.
