LAOAG CITY – Maysa nga agtawen iti 59 a lola manipud idiay Beazer, Alberta, Canada ti nakagun-od ti baro a Guinness World Record kalpasan a nakaaramid ti 1,575 push-ups iti uneg ti maysa nga oras.
Ni Donna Jean Wilde ket dati a world record holder para iti titulo a “Longest Time in an Abdominal Plank Position (female)” a nagpaot ti 4 hours, 30 minutes ken 11 seconds.
Inbatad ni Wilde, ti panagsanayna para iti plank record ket nangisagana kenkuana tapno maipaima ti world record title a “Most Push-ups in One Hour.”
Naammoan a ti record attempt ni Wilde ket naimatangan dagiti 11 nga appokona.
