LAOAG CITY – Maysa a lola idiay Fujisawa City, Kanagawa Prefecture ti daydayawen kalpasan a nasursurona nga ag-coding ken makapartuat ti maysa nga smartphone app.
Iti tawenna a 89, pinaneknekan ni Masako Wakamiya a saan a lapped ti tawen kageddan ti baro a teknolohia.
Daytoy ket kalpasan a nagretiro kas empleado ti banko idi 1992, nariparna a kurang ti digital content para kadagiti natataengan.
Gapu iti daytoy, nasursurona nga agusar ti computer ken saan a nagbayag ket nakapartuatna ti mobile app nga inawaganna nga “Hinadan” a mangisursuro ti umiso a panangisuro ti pannakaiyurnos ti manika tunggal Japanese Doll Festival.
Gagemna a mapagtalinaed ti kultura nga Hapon iti baro nga henerasion.
Gapu iti panagballigi, naimbitaran isuna nga agsarita iti United Nations ken nagduduma a tech conferences iti lubong ken nakaduana pay ti CEO ti Apple a ni Tim Cook.
Insingasingna pay a pagbalinen nga ad-adda pay a “senior-friendly” ti iPhone tapno ad-adu pay a natataengan ti magutigot ti teknolohia.
Daytoy nga estoria ket agserbi nga inspirasion ti kaaduan a pammaneknek a saan a maudi ti pannakaisuro ken agabante iti digital a lubong.
