LAOAG CITY – Nakaawat ti world record ti maysa nga agtawen iti 81 a lolo idiay United Kingdom kalpasan a nakaimula ken nakaapit ti kadagsenan a bell pepper iti intero a lubong.
Kinumpirmaran ti records keeping organization a Guinness World Record a ni Ian Neale ti South Wales ti baro a record holder ti titulo nga “Heaviest Bell Pepper” kalpasan a nakaapit ti inmulana a bell pepper nga adda ti kadagsenna a 966 a gramo.
Napadayawan iti publiko ti bell pepper ni Neale iti event a Malvern Autumn Giant Vegetable Show.
Naammoan a saan daytoy ti umuna daras a nangabak ni Neale iti kinnadakkelan ti nateng gapu ta iti napalabas a tawen, nangabak ti repolyona nga adda ti kadagsenna a 30.2 kilograms.
