LAOAG CITY – Inadmitir ti aktres a ni Louise delos Reyes a dandani na kinettel ti biagna idi adda ti nadagsen a pagdaldalanan na iti biag.
Kuna na a maysa a rason no apay kayat na ti agpakamatay iti dayta a gundaway ket gapu iti napasamak iti showbiz career na.
Aminado ti aktres nga adda dagiti saan a napintas a nagbalin a desisyon na iti kallabes a rason ti nakaapektaran ti karera.
Nupay kasta, nagyaman ni Louise gapu ta nalawlawagan metlaeng ti panunot na ken naikarigatan na a linabanan dagiti nagbalin a problema na iti kallabes.
Inbatad a dakkel a banag ti suporta kenkuana ti pamilya na, ngem masapol a ti mismo nga akinbagi ti ad adda a makatulong tapno malasatan amin a pannubok iti biag.
Innayon na a dakkel pay a nakatulong kenkuana ti nobyo na iti agdama a ni Jino no sadinno nga innem a tawenen ti relasyon da.
Mainaig iti daytoy, kuna ni Louise a makunana a saan pay a naan anay a nakarekobre ngem ammo nan no kasanu na a labanan ti marikrikna na.
