LAOAG CITY – Inpakaammo ti Bureau of Fire Protection ditoy siudad ti Laoag nga awan ti nadadael kalpasan ti panagil-ayab ti maysa nga LPG tank iti maysa a pagtaengan iti Sitio 5 Brgy. Buttong ditoy siudad ti Laoag.
Idi nagresponde da iti pagtaengan ni Mr. Tom Dacquioag, naabotan da nga awanen ti apoy iti LPG kalpasan a naiddep ni Dacquioag daytoy.
Rumrumwar a kinaluban ni Dacquioag ti nabasa a lupot ti agap-apoy nga LGP sakbay na nga ineddep daytoy.
Naamuan ti Bombo Radyo Laoag a pinatarimaan ni Dacquioag ti LGP kadagiti nagideliver.
Napasamak ti insidente bayat ti panagluto ni Dacquioag iti meryenda ti pamilya na.
Nagpalagip ti BFP Laoag ti panagan-annad ken kanayun a kitaen ti leak kadagiti LPG tank.
