LAOAG CITY – Nagtalinaed ti takder ti Land Transportation Franchising and Regulatory Board (LTFRB) a saanen a maiyalud-od pay ti provisional authority to operate ti unconsolidated jeepneys.
Immunan nga inlungalong daytoy ti maysa nga agpanpanday linteg idi Mayo ita a tawen iti namnama a makita ken maawatan dagiti benepisyo ti consolidation a kasapulan iti babaen ti public transport modernization program.
Maipalagip nga inrakurak idi ni Land Transportation Franchising and Regulatory Board Chairperson Teofilo Guadiz nga adalen ti ahensiya da ti nasao a lungalong.
Nupay kasta, kalpasan ti panagtataripnong da kadagiti opisyal ti Department of Transportation ken inpakaammo ni Guadiz a saan dan nga adalen ti possible a pannakaiyalud-od ti provisional authority to operate ti unconsolidated jeepneys gapu ta ti kayat ti Marcos administration ket maituloyen ti modernization program.
Kuna pay ti Land Transportation Franchising and Regulatory Board chief a ti guidelines para iti panagtiliw kadagiti saan a nag-consolidate a jeepneys ket nakapenpen paylaeng bayat a maiyus-uray ti approval ti Department of Transportation.
