LAOAG CITY – Naipaayan dagiti enforcers ti Land Transportation Office (LTO) ti special instruction a bantayan ken imonitor dagiti reckless driver iti intero a semana santa.
Inparuk-at ni Land Transportation Office chief Vigor Mendoza II ti nasao a direktiba kalpasan ti panag-mobilize ti nasao nga opisina iti pakabuklan a 1,700 nga enforcer iti intero a pagilian tapno agbantay kadagiti kalsada.
Paset ti special instruction kadagiti Land Transportation Office enforcer ket ti panangi-dokumento kadagiti reckless drivers iti pakabuklan ti long weekend.
Immunan nga inbilin ni Transportation Secretary Vince Dizon iti Land Transportation Franchising and Regulatory Board ken Land Transportation Office a mangiyuswat ti nagduduma a measure tapno malapdan dagiti reckless driver ken kamaten dagiti manggandat nga agaramid iti daytoy.
Nangbukel pay ti Land Transportation Office kadagiti baro a mekanismo tapno mapapigsa ti accountability dagiti errant driver.
Inpetteng ni Mendoza a ti driver’s license ket saan a maysa a karbengan no di ket maysa a pribiliheyo.
