LAOAG CITY – Ikonkonsiderar ti Land Transportation Office (LTO) ti sabado ken domingo nga extension a mangakumudar kadagiti agi-renew ti lisensya na.
Inlawlawag ni Mrs. Susan Gagarin, ti OIC ti LTO iti ciudad ti Batac a saan da pay laeng nga akomudaren ti advance renewal kangrunaan ti June registrants ken dagiti addaan ti plaka a numero 6 ti maudi na.
Daytoy ket gapo ta kalikagom da nga ilippas dagiti expired ti lisensya na a saan a nakaparenew.
Inbatad na nga adda ti inyetnag a schedule ti LTO Regional Office no sadinno a ti Lunes ken Martes ket maakomodar dagiti agregistro ti Student Permit, Miyerkules-Biyernes ket maakomodar dagiti agexam para ti Non Pro ken Pro Drivers License idinto a mabalin nga agrenew ti lisyensa iti Lunes agingga Biyernes.
Inpasigurado na a ma-screen a nasayaat dagiti makintransaksyon iti opisina da nangruna dagiti agtawen ti 21 agingga iti59 ken saan da pay laeng nga akomodaren dagiti senior citizen.
Innayon na a gapu iti new normal ket saan unay nga adu dagiti mapmapan agparehistro ken agparenew saan a kas idi a dupudop dagiti mapmapan iti opisinada.
