LAOAG CITY – Inbatad ni Mrs. Judy Sabas, ti mangidadaulo iti Land Transportation Office (LTO) ditoy ciudad ti Laoag a ti pay laeng sursuruten da iti agdama ket ti memo nga inparuk-at ti higher office da idi oktubre 6 ita a tawen.
Daytoy ket mainaig iti panagturong dagiti light vehicles iti private motor vehicle inspection centers (PMVIC) idinto a dagiti dadakkel a lugan ket mapan iti Private Emission Testing Centers (PETC).
Nupay kasta, kuna ni Sabas a ti sursuruten da iti agdama ket ti baro a sistema da a Land Transportation Management System ket nag-rollout da isut gapuna nga iti PMVIC ti papanan dagiti lugan.
Mainaig iti daytoy, inlawlawag ni Sabas nga awan pay ti naawat da a memo mainaig iti maibagbaga a saanen a mandatory a panagpa-emission test dagiti lugan.
Inbaga na a ti laeng naawat da mainaig iti daytoy a banag ket ti press released ken saan pay a nalawag kadakuada daytoy nga addang.
