LAOAG CITY – Nagballaag ti Land Transportation Office (LTO) kontra kadagiti adda lugan na nga stainless ditoy probinsya.
Inbatad ni Judy Sabas, ti mangidadaulo iti Land Transportation Office (LTO) ditoy ciudad ti Laoag a mangrugi intono Marso 16 ita a tawen ket mangrugin ton nga agtiliw ti LTO kadagiti stainless ti lugan na.
Segun kenkuana, mismo a dagiti kameng ti LTO-Regional Office ti umay agtiliw ditoy probinsya.
Innayon na a dagiti matiliwan nga agiturong ti stainless ket mamulta ti lima ribo a pisos.
Gapu iti daytoy, inbalakad ni Sabas a masapol nga ikkan ti sticker dagiti lugan nga stainless wenno papintaan.
