LAOAG CITY – Nagibunong ti Land Transportation Office iti alcohol, face mask ken tissue kadagiti pasaheros ken personnel dagiti terminal ti bus ditoy ciudad ti Laoag.
Segun kenni Ms. Judy Sabas, mangidadaulo ti nasao nga ahensya, daytoy ket babaen iti mandar ti higher office a paset ti programa a “Malasakit Healthcheck”.
Inbatad ni Sabas a ti nasao nga addang ket kas panangkontra iti 2019 novel coronavirus.
Malaksid iti dayta, nangibunong pay ti ahensya iti fliers para iti naa-anay a panangipaay da ti impormasyon seknan iti LTO.
Innayon ni Sabas a nationwide iti panangiyuswat ti LTO iti nasao a programa.
