LAOAG CITY – Nagpalagip manen ti Land Transportation Office kadagiti saan pay a nakairenew ti lugan na ditoy probinsya.
Kuna ni Miss Susan Gagarin, ti mangidadaulo iti Land Transportation Office ditoy ciudad ti Laoag, masapol nga agturong a dagus dagiti maseknan iti opisina da tapno irenew ti lugan da tapno awan ti malabsing dagitoy iti paglintegan partikular ti traffic code.
Inbatad na nga iti napalabas a tawen ket naobserbaran da a manmano dagiti napan nagrenew ti lugan na.
Malaksid iti panagirenew ti lugan, pinalagipan pay ni Gagarin dagiti agiturturong ti aniaman ti klase na a behikulo nga awan ti lisensya na.
