LAOAG CITY – Inpakaammo ni Ms. Susan Gagarin, ti mangidadaulo iti Land Transportation Office ditoy ciudad ti Laoag a nagbaliw ti requirements dagiti mangala ti driver’s license na.
Kuna na a dagiti mangala ti student permit ket masapol a mangala da nga umuna ti certificate ti Theoretical Driving Course (TDC) manipod iti accredited driving schools.
Innayon na a no addan ti student permit ket agturong da manen iti accredited driving schools tapno mangala ti certificate para iti Practical Driving Course, malaksid pay ti medical certificate.
Inlawlawag ni Gagarin a dagiti sertipikasyon ket i-validate a naimbag ti opisina da tapno makita da no kabaelan metlaeng dagiti motorista ti agmaneho.
