LAOAG CITY – Naipaayen ti kiddaw a lugan ti Bureau of Fire Portection ken Philippine National Police manipod iti Gobierno probinsial.
Segun kenni Ms. Miriam Sanchez, ti mangidadaulo iti General Services Office iti kapitolyo probinsyal, nakita ti gobernador a kasapulanda ti lugan isut gapuna a pinatgaw na a dagus daytoy ken inanamongan met ti Sang Panlalawigan.
Naamoan a maysa kadagiti lugan ket agbalor ti 1.7 million a pisos.
Mainaig iti daytoy, napalaos ti panagyaman ni Fire Superintended Roxanne Parado iti gobierno probinsyal iti pannakaipaay kadakuada ti baro a lugan tapno adda ti nayun nga usaren da.
