LAOAG CITY – Naminsan manen a nagpirma iti eksklusibo a kontrata ni Luis Manzano iti Kapamilya Network.
Basar iti TV host ket naidumduma a game show ti mabalin a mabuya dagiti fans gapu iti sabali a format daytoy.
Kunana a saan a simple a Minute To Win It wenno kadagiti singing contest a masansan a mabuybuya dagiti viewers.
Inlawlawagna a daytoy a format a trivia ti kalikagumna. Daytoy ti Rainbow Rumble a ti panunutenda ket arig pang-genius.
Maipalagip a ni Luis met ti nagbalin nga host ti It’s Your Lucky Day a temporario a nangsukat iti It’s Showtime iti maysa a tawen.
Kabayatanna, no maikkan isuna ti gundaway ket posible a sumrek metten ni Luis iti lubong ti pulitika.
