LAOAG CITY – Kamaten ti Bureau of Customs dagiti sumagmamano a luxury cars ti pamilia Discaya a saan a nabayadan iti maiyannatop nga import duties and taxes.
Naikeddeng nga iruar ti Bureau of Customs ti partial report inton Martes, Septiembre 9 mainaig iti 28 a luxury vehicles dagiti Discaya nga adda iti babaenda kalpasan a naduktalan iti inisyal nga imbestigasion a saan a nabayadan iti umiso a buis.
Inbatad ni Bureau of Customs Commissioner Ariel Nepomuceno a no mapaneknekan a ti pamilia Discaya ket gimmatang kadagiti lugan ken iti panaggatang wenno ti dokumento ket falsified, mapagsungbat dagitoy iti linteg.
Mainaig iti daytoy, no bilang mapaneknekan a gimmatang ti Discaya iti dealers, ti Bureau of Customs ti mangipila ti kaso iti dealers ken ti Discaya ket mabalin a mangipila ti kaso kontra iti dealers gapu ta ti Bureau of Customs ket kumpiskarenna dagiti karaman a lugan.
Am-ammoen ti Bureau of Customs ti posible nga adda ti pakainaigan ti Customs personnel tapno maiserrek ditoy pagilian ti luxury cars dagiti Discaya.
Naammoan nga adda ti 28 nga iggemen ti Bureau of Customs, 16 ti naisubli kadagiti Discaya idi Septiembre 4, idinto a ti immuna a 12 ket innala kadakuada iti operasion ti Bureau of Customs iti babaen ti search warrants para iti panangberipikar no matungtungpal met laeng ti Customs Modernization and Tariff Act.
Maipalagip a ti agasawa a Curlee ken Sarah Discaya ket karaman kadagiti im-imbestigaran ti Senado iti maipagarup a maanomalya a flood control projects.
