LAOAG CITY – Inpakaammo ni Presidente Ferdinand Marcos Jr. nga agpupuunanen dagiti sumagmamano a pagilian iti Luzon Economic Corridor project a manamnama a mangpadur-as iti global status ti Pilipinas.
Segun ken ni Chang Dae-hwan, ti Chairman ti Maekyung Media Group ti South Korea, kuna ni Marcos a tutukan ti proyekto ti key infrastructure kas dagiti pantalan, riles ti tren, clean energy ken semiconductor supply chain a mamagkamang iti Subic Bay idiay Zambales, Clark idiay Pampanga, Manila ken Batangas.
Kangrunaan a dinakamatna ti agtultuloy a development iti Clark City a napateg para iti Luzon Economic Corridor a nagbalin a maysa nga attractive destination para iti foreign investments gapu iti panangipasdek ti Clark Freeport and Special Economic Zone.
Kuna ni Marcos a ti ecozones ket nakalukat iti amin nga special tax breaks.
Inbinglayna pay a ti special zones ti Pilipinas ket nagbalin a naballigi. Manamnama a daytoy ket mangpataud ti ad-adu pay a balligi para ditoy pagilian.
