LAOAG CITY – Inlawlawagen ti singer ken Viva artist a ni Lyka Gairanod ti rason ti kontrobersial a panag-perform na iti campaign rally ti UniTeam iti Las Piñas iti 2022.
Iti nagbalin a guesting na iti maysa a show, sinaludsod da ti balasang iti nasao a campaign performance.
Dineretso met a sinungbatan ni Lyca daytoy nga inaramid na laeng kas trabaho tapno maka-provide iti pamiliana.
Kinunana a saan nga interesado iti politika ken ti goal na laeng ket ti banag a mangbiag iti pamilina ken makatulong kadagiti ayayatenna iti biag.
Inlawlawagna a kadaydi a gundaway ket na-stroke ti amana isut gapuna a kasapulanna pay nga i-doble ti trabahona a pagpaagas ken ni amana.
Innayonna a no aniaman ti naaramidna idi ket awan ti sabali nga intensionna nudiket matulongan ken mapaatiddog ti biag ni amana.
