LAOAG CITY – Naserrek payen ti M23 Rebels iti Bukavu, ti maikadwa a kadakkelan a ciudad iti Democratic Republic of Congo.
Daytoy ti kinumpirmarn ni Corneille Nangaa, ti mangidadaulo iti Congo River Alliance.
Inaramid daytoy ti M23 rebels iti baet ti panawagan ti nagduduma a pagilian a pannakaipatungpal ti ceasefire iti Congo ken maituloy ti saritaan ti kapia.
Maipalagip a ginasut a ribo a tattao ti napwersa a nagbakwit gapu iti iraraot ti rebelde a grupo.
Immunan a naagaw ti M23 rebels ti ciudad ti Goma no sadinno nga agpapan ita ket kontrolado da paylaeng ti lugar.
