LAOAG CITY – Nakoronaan ni Ma. Ahtisa Manalo iti Quezon Province kas Miss Universe Philippines 2025!
Inabak ni Ahtisa ti 65 a kandidata iti coronation night a naiyuswat iti Mall of Asia Arena, Pasay City.
Mismo a ni Miss Universe Philippines 2024 ken reigning Miss Universe Asia Chelsea Manalo ti nangkorona ken ni Ahtisa.
Gapu iti daytoy, irepresentar ni Ahtisa ti Pilipinas iti Miss Universe 2025 a maiyuswat intono Nobyembre 21 ita a tawen iti Impact Muong Thong Thani Arena idiay Bangkok, Thailand.
Kabayatanna, dagiti kadwa ni Ahtisa iti Top 6 finalists ket isuda Winwyn Marquez ti Muntinlupa, Chelsea Fernandez ti Sultan Kudarat, Ma. Katrina Llegado ti Taguig, Gabriella Mae Carballo ti Cebu City, ken Yllana Maria Aduana ti Siniloan, Laguna.
