LAOAG CITY – Bimmaba ti bilang ti inangkat a bagas iti umuna a tallo a bulan ti tawen 2025.
Basar iti Department of Agriculture, addaan laeng ti 641,000 metric tons ti bilang dagiti inangkat a bagas idi Marso 13 no sadinno daytoy ket nababbaba ti 1.2 milyon a metric tons iti kapada a bulan iti napalabas a tawen.
Inbatad ni Agriculutre Assistant Secretary Arnel De Mesa, mangipasimudaag daytoy a nangatngato ti simrek nga imported a bagas iti napalabas a tawen.
Naammoan a maysa kadagiti rason nga adda ti timmaud a problema iti produksion ti bagas iti napalabas a tawen ket ti El Niño.
Idi 2023 ken 2024 ket immuna ti Pilipinas iti kaaduan a naangkat a bagas iti intero a lubong.
