LAOAG CITY – Manamnama a marugyan ton a mausar ti maar-aramid a baro a sanitary landfill iti Barangay Balatong ditoy ciudad ti Laoag.
Daytoy ti inbatad ni Vice Mayor Vicentito Lazo ditoy ciudad kalpasan ti panangiyuswat da ti ocular inspection iti maar-aramid a sanitary landfill.
Inlawlawag na a basar iti contractor iti proyekto ket adda ti 69 a porsiento ti nalpas iti maar-aramid sanitary landfill.
Nupay kasta, kuna ni Lazo a ti nakita na a problema ket ti kaadayo unay ti rota iti panagturong iti sanitary landfill gapu ta arigna manglikaw a mapan magna iti ili ti Paoay sakbay a makadanun iti lugar.
Innayon na a basar ken ni Engr. Roy Tomas iti City Engineering Office ket malaksid nga ado unay ti krudo a mausar ket saan a maliklikan nga adda ti maitayab a basura iti kalsada, banag a saan a rumbeng a mapasamak.
Inpakaammo na a daytoy iti ad-adalen da iti agdama no ania ti nasayaat a maaramid tapno as-asideg ti pagnaan a mapan iti baro a sanitary landfill.
