LAOAG CITY – Inpasingked ni Engr. Romel Dizon a naiget ti seguridad ti maipatpatakder nga oil depo iti igid ti baybay iti paset ti ili a Badoc.
Kuna na nga umaboten ti 85 a porsiento ti nalpas iti oil depo ken manamnama nga agoperar da intono Agosto.
Segun kenni Dizon, naiget a sursuruten da ti standards ti American Petroluem Institute para ti pannakaaipatakder ti oil depo.
Malaksid ti maipatpatakder nga deposito ti langis, immunan a nakaipatakder da ti deposito iti nagduduma a probinsya ti pagiilan.
Mainaig iti daytoy, kunana a ti pannakaipatakder ti oil depo iti igid ti baybay ket abay ti OMNICO port ken tapno al-alisto ti pannakaiyabuang ti suplay a langis iti deposito.
Inlawlawag ni Engr. Dizon nga agusar da ti barko a mapan agkarga ti maideliver a suplay ti langis ken agusar da ti nabengbeng a tubo tapno maiyakar ti langis a mapan iti deposito.
Innayon na a ti paggapuan ti suplay da a langis ket iti nagduduma a kompanya iti intero a lubong.
