LAOAG CITY – Nagballigi dagiti otoridad a nangrestar iti maysa a lalaki iti naisayangkat nga anti-illegal drug buy-bust operation itiBarangay 28 ditoy ciudad ti Laoag.
Ti suspek ket agtawen ti 28, awanan ti asawa ken residente iti ili ti Solsona.
Kinemmeg a dagus dagiti otoridad ti suspek kalpasan a naglako ti maatap a shabu iti nagpammarang kas poseur-buyer.
Mapatta-patta nga agdagsen dagiti naala nga ebidensya manipod iti suspek iti agarop 3.9 a gramo ken agbalor dagitoy iti P26,520.00.
Nakumpiskar pay manipod iti suspek ti maysa nga homemade cal. 22 magnum nga addaan ti tallo a bala, sangaribo a pisos a nausar iti operasyon ken dadduma pay.
Iti agdama, nagtalinaed ti suspek iti Philippine National Police ditoy ciudad ti Laoag ken maisagsaganan ti reklamo a maipila kontra kenkuana.
