LAOAG CITY – Mabalin nga usaren ti Kamara de representantes iti panagdengngeg ti Justice panel kas umuna a pampubliko a presentasyon ti ebidensya manaig ti impeachment complaints kontra ken ni Vice President Sara Duterte.
Segun ken ni Manila Rep. Joel Chua, saan laengen a limitado iti panangtratar kadagiti mosyon ken proseso ti panagdengngeg ti House Committee on Justice, no di ket mabalinen nga isango ken trataren dagiti ebidensya uray sakbay pay a makadanun iti senado ti kaso.
Maipalagip nga idi Marso 18, indeklarar ti komite nga adda ti umdas a pagibasaran dagiti reklamo ken naikeddeng dagiti panagdengngeg intono Marso 25 ken Abril 14, 22, ken 29, 2026.
Inlawlawag met ni Chua a gagem ti proseso nga establisaren no adda ti “probable cause” tapno magna ti kso ken saan pay a daytoy ti pormal a panangusig, ngem mabalin nga idatag dagiti detalye ken pagibasaran ti reklamo.
Inpetteng ni Chua nga agpannuray ti due process ken ikkan ti gundaway ti agsumbangir a partido a mangipresentar kadagiti argument da kas maiyataday kadagiti maipatpatungpal a pagannurutan.
