LAOAG CITY – Kalikagom ti Mabanbanag Primary School iti ili ti Vintar a mapagbalin nga Elementary School ti nadakamat a pagadalan.
Inbatad ni Vice Mayor Maribel Albano iti ili ti Vintar a naidasar daytoy a banag bayat ti joint committee meeting babaen ti Committee on Education, Manpower, Development and Public Information, Committee on Laws ken ti Rules, Ethics and Privilege.
Segun ken ni Albano, kalikagom ni Miss Celine Mae Calvan, Officer In Charge iti Mabanbanag Primary School a maaddaan ti Grade 5 ken Grade 6 ti imatunan na a pagadalan.
Inkari ti bise mayor a trataren da daytoy a banag tapno adda ti asideg a pageskwelaan dagiti maseknan nga agad-adal ken naan-anayen a mapagbali nga Elemetary School.
Innayon na nga iyuman da pay daytoy iti nangatngato a pagpandayan linteg para iti naan-anay a pannaka-aprubar na.
