LAOAG CITY – Inkari ni Philippine Health Insurance Corporation (PhilHealth) President ken Chief Executive Officer Edwin Mercado a maipababa pay iti 25 percent ti out-of-pocket medical cost para kadagiti pasiente manipud iti agdama a 45 agingga iti 47 percent.
Inbatad ni Mercado a napateg a makaala ti umiso ken adda ti pakainaiganna iti datos a mausar kas pangibasaran para iti pannakapasayaat pay iti masangoanan.
Kunana nga ipangpangrunana ti computerization ken digitalization babaen ti modern technologies tapno mapasayaat ti kapadasan ti miembro, naiget a pannakikoordinar kadagiti stakeholder ken panangpapintas kadagiti proseso iti panangimaton.
