LAOAG CITY – Temporaryo a maparikepan ti Madongan Dam iti paset ti Barangay Cacafean iti ili ti Marcos.
Segun kenni Mayor Antonio Mariano, daytoy ket gapo ti kellaat a panagngato ti kaso ti covid iti Ili ti Dingras.
Kuna a saan a malukatan daytoy agingga a saan nga i-lift ti Dingras mayor ti lockdown iti paset da.
Ummunan nga adda ti mandar ni Mayor Joefrey Saguid a malockdown ti madongan dam a sakupen ti ili ti Dingras.
Daytoy ket tapno malapdan ti paangturong dagiti tattao iti nasao a pagdidigusan.
