LAOAG CITY – Pinaigetan dagiti mangimatmaton ti Sarrat North Central School iti ili ti Sarrat ti seguridad ti nasao a pagadalan.
Daytoy ket kalpasan a natakawan ti agnagan iti Mrs. Marjorie Quintos, agtawen ti 36, naasawaan, residente iti Bgy. 3 Sta Barbara ti nasao nga ili ken mangisursuro ti kindergarten.
Segun iti PNP-Sarrat, idi aldaw ti Miyerkules Oct. 3 a natakaw ti laptop ken external drive ti mangisursuro nga adda iti uneg ti kuwarto na nga agbalor iti agarup 32 a ribo a pisos.
Naamuan nga iti nasao nga aldaw a pannakapukaw ti nasao a gadget, maysa nga ina ti nakakita nga adda lima nga estudyante a mamapati nga estudyante ti Sarrat National High School iti uneg ti kuwarto ti maestra.
Iti agdama ket manarimaan ti imbestigasyon para iti pakabigbigan dagiti lima nga estudyante.
