LAOAG CITY – Ibaklay a mismo dagiti kandidato ti magastos iti idadalan da ti drug test.
Daytoy ti inbatad ni Police Senior Inspector Christopher Malanum, ti deputy chief of police iti Dingras, Ilocos Norte.
Inaramid daytoy ni Malanum kalpasan nga adda dagiti sumagmamano a kandidato a nagatendar ti peace covenant signing iti ili ti Dingras no siasinno ti aggastos no kayat da ti agpadrug-test.
Kabayatanna, inbatad ni Malanum nga awan ti sabali a kalikagom da para ti mapaspasangasangan nga SK ken Barangay Elections no saan a ti mapagtalinaed ti natalna ti nasao nga ili agingga a malpas ti panagpipili.
