LAOAG CITY – Nagballag ti Philippine Drug Enforcement Agency (PDEA) ti publiko kontra iti panagusar, panaglako ken panagmula kadagiti ‘magic mushrooms.’
Segun iti PDEA, malaksid iti peggad iti salun-at ti tao, naiget a maiparit daytoy babaen kadagiti agdama a linteg.
Ti “magic mushrooms” ket naglaon iti psilocybin, maysa a napeggad a droga, gapu ta ti psilocybin ket maibilang a kas illegal substance ditoy pagilyan babaen ti updated list of Scheduled Controlled Substances.
Nu matunaw ti psilocybin ket agbalin a psilocin, a mabalin a mangitunda ti psychedelic effect a kas iti hallucinogenic nga agas iti lysergic acid diethylamide.
