LAOAG CITY – Maysa a magician idiay Malaysia ti nakagun-od ti world record kalpasan a nag-perform ti 17 magic tricks iti uneg ti sumagmamano a minuto.
Kinumpirmaran ti records keeping organization a Guinness World Records a ni Avery Chin ti baro a record holder ti titulo a “Most Stage Illusion Tricks Performed in Three Minutes” kalpasan a naka-perform ti 17 magic tricks and illusions iti uneg ti tallo a minuto.
Naammoan a dagiti sumagmamano a magic tricks nga inaramid ni Chin ket ti panag-appear ken disappear kadagiti banag, panagusar ti higante a baraha ken panangikabil ti polka dots iti maysa a dati a blangko a panyo.
Kabayatanna, ti world record title ket dati nga iggem ni Magician Alwin ti India no sadinno addaan daytoy ti rekord nga 11 magic tricks.
